Loading...
title : UTENDAJI KAZI TBS WAMKOSHA WAZIRI MKUU KASSIM MAJALIWA
link : UTENDAJI KAZI TBS WAMKOSHA WAZIRI MKUU KASSIM MAJALIWA
UTENDAJI KAZI TBS WAMKOSHA WAZIRI MKUU KASSIM MAJALIWA
WAZIRI Mkuu Kassim Majaliwa, ameridhishwa na utendaji kazi wa Shirika la Viwango Tanzania (TBS). Waziri Mkuu Majaliwa alifanya ziara ya kutembelea Makao Makuu ya Shirika hilo yaliyopo jijini Dar es Salaam akiwa ameongozana na Waziri wa Nchi Ofisi ya Waziri Mkuu (Uwekezaji), Angella Kairuki.
Pia alikuwepo Waziri wa Afya, Maendeleo ya jamii, Jinsia, Wazee na Watoto, Ummy Mwalimu, Naibu Waziri wa Viwanda na Biashara, Mhandisi Stella Manyanya pamoja na maofisa wengine wa ngazi mbalimbali serikalini.
Akizungumza baada ya kujionea shughuli za Shirika hilo, Waziri Mkuu ametoa pongezi kwa kazi nzuri inayofanywa na Shirika la Viwango
Tanzania na kwamba ameridhishwa na utendaji wa kazi pamoja na kuwepo kwa vifaa vya kisasa na wataalam wazuri katika maabara zake.
"Nimefurahishwa na utendaji kazi wenu pamoja kuwepo kwa vifaa vya kisasa vya maabara pamoja na wataalamu," alisema.
Waziri Mkuu Majaliwa ameielekeza TBS kufanya kazi kwa weledi kwa kuhakikisha inakuwa na maofisa kila Mkoa na Wilaya ili kuweza kusogeza huduma karibu zaidi kwa wananchi.
Ametoa mwito kwa wafanyakazi wa TBS kuendelea kufanya kazi kwa weledi na juhudi na kuhakikisha umma wanaelimishwa zaidi kuhusiana na shughuli zinazofanywa na shirika hilo hapa nchini.
Wakati huo huo, Waziri Mkuu Majaliwa amewataka Mawaziri wa Kilimo, Uwekezaji, Viwanda na Biashara, Mifugo na Uvuvi na Afya, Maendeleo ya Jamii,Jinsia,Wazee na Watoto wakutane na wafanye mapitio ya taasisi zao na kuangalia maeneo yanayogongana kiutendaji ili kila mmoja abaki na jukumu lake.
Aliagiza apelekewe taarifa za mapendekezo hayo ifikapo Machi 30,2019. Amefikia uamuzi huo baada ya kuwepo kwa malalamiko kutoka kwa baadhi ya wafanyabiashara ambao wamedai kuwepo kwa muingiliano wa majukumu ya kiutendaji wa taasis hizo.
“Kutaneni na kisha pitieni maelekezo ya Serikali yanayoelekeza namna ya kuzifanya taasisi hizi na zingine zinazofanya shughuli zinazofanana zilizo katika wizara zenu bila kusahau Mpango wa Kuboresha Mazingira ya Biashara (blue print). Ifikapo Machi 30,2019, niwe nimepata mapendekezo yenu,” amesisitiza.
Waziri Mkuu, Kassim Majaliwa akipata maelezo kutoka kwa Cunbert Kapilima wa Shirika la Viwango Tanzania -TBS (kushoto) kuhusu upimaji wa ubora maguani unaofanywa na TBS wakati alipotembelea ofisi za TBS, Ubungo jijini Dar es salaam, Machi 6, 2019. (Picha na Ofisi ya Waziri Mkuu)
Waziri Mkuu, Kassim Majaliwa akipata maelezo kuhusu upimaji wa betri kutoka kwa Mhandisi Anectus Nduguru wa Shirika la Viwango Tanzania (TBS) wakati alipotembelea Ofisi za TBS, Ubungo jijini Dar es salaam, Machi 6, 2019. (Picha na Ofisi ya Waziri Mkuu)
Waziri Mkuu, Kassim Majaliwa akipata maelezo kuhusu upimaji wa vifaa vya umeme kutoka kwa Mhandisi Anectus Nduguru wa Shirika la Viwango Tanzania (TBS) wakati alipotembelea Ofisi za TBS, Ubungo jijini Dar es salaam, Machi 6, 2019. (Picha na Ofisi ya Waziri Mkuu)
Waziri Mkuu, Kassim Majaliwa akizungumza na watumishi wa Shirika la Viwango Tanzania (TBS) wakati alipotembelea ofisi za TBS, Ubungo jijini Dar es salaam, Machi 6, 2019. Kulia ni Naibu Waziri wa Viwanda na Biashara, Mhandisi Stella Manyanya, wa tatu kulia ni Waziri wa Afya, Maendeleo ya Jamii, Jinsia, Wazee na Watoto, Ummy Mwalimu na wa nne kulia ni Waziri wa Nchi, Ofisi ya Waziri Mkuu, Uwekezaji, Angela Kairuki. (Picha na Ofisi ya Waziri Mkuu)
Hivyo makala UTENDAJI KAZI TBS WAMKOSHA WAZIRI MKUU KASSIM MAJALIWA
yaani makala yote UTENDAJI KAZI TBS WAMKOSHA WAZIRI MKUU KASSIM MAJALIWA Wakati huu, pengine unaweza kutoa faida na wewe wote. Sawa, kuona katika post nyingine makala.
Wewe ni sasa kusoma makala UTENDAJI KAZI TBS WAMKOSHA WAZIRI MKUU KASSIM MAJALIWA mahali kiungo https://somalatest.blogspot.com/2019/03/utendaji-kazi-tbs-wamkosha-waziri-mkuu.html
0 Response to "UTENDAJI KAZI TBS WAMKOSHA WAZIRI MKUU KASSIM MAJALIWA"
Post a Comment